Ragnar Magni er nýr liðsmaður

/, Unglingaflokkur/Ragnar Magni er nýr liðsmaður

Ragnar Magni er nýr liðsmaður

Ragnar Magni Sigurjónsson hefur skrifað undir samning um að leika með Selfossliðinu á komandi tímabili. Ragnar er efnilegur bakvörður/léttur framherji úr Skallagrími, sem ekki hefur fengið alvöru tækifæri hjá uppeldisfélagi sínu og leitar því á ný mið.

Ragnar er sterkur strákur, öflugur sóknarmaður og góð skytta og einnig góður varnarmaður, ekki síst á bolta. Hann er aldeilis fín viðbót í hinn unga hóp sem teflt verður fram á Selfossi á komandi tímabili.

Ragnar er 19 ára, á 20. aldursári, og er því bæði gjaldgengur í unglinga- og meistaraflokki. Hann mun hefja nám í íþróttafræðum við Háskóla Íslands í haust, jafnframt því að setja metnað sinn í körfuboltaferilinn.

Selfoss-Karfa býður Ragnar Magna velkominn á Selfoss, óskar honum góðs gengis og hlakkar til að vinna með honum.

By |2019-06-24T12:57:24+00:0024. júní, 2019|Meistaraflokkur, Unglingaflokkur|0 Comments