Sigmar Jóhann til liðs við Selfoss

/, Unglingaflokkur/Sigmar Jóhann til liðs við Selfoss

Sigmar Jóhann til liðs við Selfoss

Sigmar Jóhann Bjarnason hefur skrifað undir leikmannasamning og gengur til liðs við Selfoss-Körfu. Sigmar kemur frá Fjölni, fæddur 1999 og bætist því í góðan hóp leikmanna Selfoss sem enn eru á unglingaflokksaldri. 

Sigmar er líkamlega sterkur strákur sem getur látið finna fyrir sér bæði í vörn og sókn. Hann eykur breiddina í hópnum og samkeppni um stöður 2-3, og hefur sýnt það í sumar að honum er full alvara í því að taka á því og bæta sig á öllum sviðum.

Sigmar er alinn upp í góðu yngriflokka- og unglingastarfi Fjölnis og veit hvað þarf til að ná árangri. Hann hefur að auki reynslu af landsliðsstarfi með U15 og U16 ára liðum Íslands.

Selfoss-Karfa býður Sigmar Jóhann velkominn í þéttan hóp ungra og metnaðarfullra stráka á Selfossi.

By |2019-07-23T11:57:59+00:0023. júlí, 2019|Meistaraflokkur, Unglingaflokkur|0 Comments