Stór hópur til Gautaborgar

/, Yngri flokkar/Stór hópur til Gautaborgar

Stór hópur til Gautaborgar

Ríflega 30 manna hópur stúlkna og stráka frá Selfossi leggur í hann í nótt á Gautaborg Festival körfuboltabúðirnar, sem eru stærstu körfuboltabúðir Evrópu, skv. óljúgfróðum heimildum. Hópurinn er búinn að æfa grimmt undanfarið til að undirbúa sig sem best fyrir strandhögg í Svíaríki, eða í Austurvegi, svo gripið sé til lýsinga Íslendingasagnanna.

Karl Ágúst og Stefán Magni hafa haft veg og vanda af hinum faglega þætti undirbúningsins en öflugur hópur foreldra staðið í ströngu í hartnær 2 ár við fjáröflun og annað skipulag ferðarinnar.

Það eru 22 piltar og 9 stúlkur sem leggja land undir fót – eða kannski frekar loft undir vængi – og krakkarnir hafa m.a. kolefnisjafnað ferðalagið með því að gróðursetja þúsundir trjáplantna í samstarfi við Hekluskóga.

Selfoss-Karfa óskar hópnum góðrar ferðar og farsællar heimkomu. Ævintýrin gerast enn.

By |2019-05-28T21:15:55+00:0028. maí, 2019|Félagið, Yngri flokkar|0 Comments